| دردِ دل دیکھ ، مری آہ زبانی نہ سمجھ |
| نقشِ دیوار ہے انجام ، کہانی نہ سمجھ |
| ہر طرف موت کے آثار نظر آتے ہیں |
| تُو یہ بیماری فقط ڈھلتی جوانی نہ سمجھ |
| کھوکھلا کر دیا بنیادوں کو تیری جس نے |
| ضد ، تعصّب کو ترقی کی نشانی نہ سمجھ |
| ہر قدم جھوٹ ، تجھے آگ میں لے جاتا ہے |
| تُو اسے خلد کے چشمے کی روانی نہ سمجھ |
| خون کے آنسو رُلا دیتی ہے حالت تیری |
| میرے الفاظ کو تُو حُسنِ بیانی نہ سمجھ |
| اے وطن ! تُجھ سے حقیقت تو نہیں پوشیدہ |
| میری ہجرت کو فقط نقل مکانی نہ سمج |
معلومات