| کس سفر پر نجانے نکلا تھا |
| ایسا بھٹکا ہوں یہ بھی بھول گیا |
| جانے کیوں میں سفر پہ نکلا تھا |
| اور منزل مری کہاں پر تھی |
| کب پہنچنا تھا کیوں پہنچنا تھا |
| کیا کوئی میرا منتظر تھا وہاں |
| کوئی پیغام اس کو دینا تھا |
| کوئی وعدہ تھا جو نبھانا تھا |
| کوئی بدلہ تھا جو چکانا تھا |
| اب تو یہ بھی بھلا دیا میں نے |
| کون سا واپسی کا رستہ ہے |
| کیا کوئی میرا منتظر ہے وہاں |
| کون ہوں اور میرا نام ہے کیا |
| میں تو بھٹکا ہوا مسافر ہوں |
معلومات