| ہستی میں اپنی جو تم کچھ بھی کمال رکھتے |
| پتھر دلوں میں بھی تم شوقِ وصال رکھتے |
| کچھ مصلحت پسندی سے تم بھی کام لیتے |
| اپنی روایتوں کا کچھ تو خیال رکھتے |
| اپنی ہی لاج رکھتے اے قوم کے لٹیرو ! |
| چہرے کی سرخیوں میں کچھ تو جلال رکھتے |
| بد ذوق دل لئے ہو سینے میں کس قدر تم |
| عزت نہیں تھی پیاری خوفِ ملال رکھتے |
| تاجِ سرِ جہاں سے پیروں میں آ نہ گرتے |
| اپنی سیاستوں میں جو تم جمال رکھتے |
| لالچ کے ایک جھونکے سے اتنے گر گئے تم |
| اے کاش اپنے دل میں عزمِ جبال رکھتے |
| پہلے ہی ملک اپنا رسوائیوں کا گڑھ تھا |
| سیمان چل کی عزت تم تو سنبھال رکھتے |
| بے غیرتی سیاست میں گرچہ "لا عجب" ہے |
| فرزندِ قومِ مسلم تم تو مثال رکھتے |
| لیکن جو تم نہیں تھے قابل کسی ہنر میں |
| اپنے وطن کی عزت کیسے بحال رکھتے |
| معلوم یہ ہوا ہے شاہی ؔ کو اس خبر میں |
| جاہل اگر ہو لیڈر تو دیش ہے خطر میں |
معلومات