اے خدا میرے وطن کی تُو حفاظت کرنا |
حکمراں اس پہ تُو ظالم نہ مسلّط کرنا |
ماننا جب ہے اولی الامر کو طاعت تیری |
کام بندوں کا تو ہوتا ہے عبادت کرنا |
ہو میسّر یہاں دو وقت کی روٹی سب کو |
جو یہاں سیکھ کے بیٹھے ہیں ریاضت کرنا |
ملک یہ تُو نے دیا ہے تو نگہبان بھی دے |
تُجھ پہ چھوڑا ہے تُو اس بار عنایت کرنا |
کوئی ہر حال میں انصاف جو قائم کر دے |
حوصلہ سچ کا عطا فہم و فراست کرنا |
دے عمل جس کا گواہی کہ ہے وہ مردِ خدا |
کامراں اس کو عطا کر کے شجاعت کرنا |
تُو نے ایمان کی پُر سش تو رکھی اپنے تک |
کب کہا بندوں سے بندوں پہ وکالت کرنا |
طارق آثار نظر آئیں گے تبدیلی کے |
ہو جو حقدار سپرد اس کے امانت کرنا |
معلومات