درد ِدل کے واسطے ، محبوب ہونا چاہیے |
حالِ دل ، قرطاس پر ، مکتوب ہونا چاہیے |
جاتے جاتے ، اس نے ڈالی تھی ، نگہ میری طرف |
تیر کھا کر ، اب تو دل ، مضروب ہونا چاہئے |
عمر بھر ہم ، اُس کو پانے ، کی سعی ، کرتے رہے |
اس کو پانے ، کو مگر ، مجذوب ہونا چاہیے |
دُشمنوں نے ، یہ ہوائی ، بھی اُڑائی ، شہر میں |
دل لگی کو ، بھی تو چہرہ ، خوب ہونا چاہیے |
ہاتھ آ جاتی ہے منزل ، گر رہیں ، ثابت قدم |
صبر کرنے ، کے لئے ، ایّوب ہونا چاہیے |
بات ہم ، دُنیا میں ، پھیلا کر ، ہی رہتے ، ہیں مگر |
واقعہ ، دل کو ذرا ، مرغوب ہونا چاہیے |
ہم جُدائی کے تصوّر ، سے ہی گھبراتے رہے |
دل کے ہاتھوں ، یوں نہیں ، مغلوب ہونا چاہیے |
دل درِ جاناں پہ رکھ کر ، ہم تو طارق آگئے |
کوئی تو اُس شہر میں ، مندوب ہونا چاہیے |
معلومات