| سجدہ ہائے آخرِ شب ، اشک مژگاں پر رواں |
| حالِ دل لب پر ہو جاری ، سینے میں آتش فشاں |
| محوِ خوابِ حُسنِ جاناں ہو کے جانا اس قدر |
| ہیں تلاطم خیز جذبے ایک بحرِ بیکراں |
| آدمیّ گر، انس رکھے گا خدا اور خلق سے |
| تب کہیں انسان کہلانے کے قابل ہو میاں |
| ہولے ہولے آنکھ سے پردے جو کچھ اٹھنے لگے |
| اب نظر آنے لگے ہیں دشمنوں کو بھی نشاں |
| آ گئے تھے ہم تو محفل میں ذرا عجلت کے ساتھ |
| دل میں آیا ، دیر ہو جائے نہ چل دے کارواں |
| ہم بڑے ارمان لے کر آ گئے اس شہر میں |
| اب تِرے دیدار سے ہوں گے مشرّف سب یہاں |
| دھیرے دھیرے دل ہمیں نغمے سناتا ہی رہے |
| اک مدھر دُھن میں جو گائے کلمۂ قدوسیاں |
| طارق اب سارے تعلّق اپنے رب سے جوڑ لو |
| یہ محبّت چھوڑ کر تم اور جاؤ گے کہاں |
معلومات