زمیں بھی ہے روشن درخشاں سماں ہے |
نبی کی ہے آمد سجا کل جہاں ہے |
معزز ہیں ماں ان کی بی آمنہ جی |
حلیمہ کا گھر ان کا پہلا مکاں ہے |
رواں ظلمتیں ہیں وحی کی صدا سے |
اٹھی فاراں سے جو بلالی اذاں ہے |
حسیں سارے گلشن سجے ہیں زمیں پر |
گراں رونقوں میں یہ عمرِ رواں ہے |
ملا حلقہ ہستی کو ہے رحمتوں کا |
منور جہاں بھی کراں سے کراں ہے |
ہے توصیف جاری خلق میں نبی کی |
انہی کے شمائل سے تاباں زماں ہے |
تشکر ہے محمود بردہ تو ان کا |
ہوا جن کے خاطر زمانہ رواں ہے |
معلومات