| کیا فلک کی آنکھ نے دیکھے نہیں منظر تمام |
| ہم پھلے پھولے ہیں ، دشمن رہ گئے ابتر تمام |
| سرخرو کس نے کیا ہے ساتھ دے کر بارہا |
| کوئی رستے سے ہٹا دیتا ہے کیوں پتھر تمام |
| اب افق پر دیکھتے ہو جو اجالے صبح کے |
| دیکھنا اب جلد ہو گا رات کا منظر تمام |
| پھر توجّہ اس طرف ابرار کی آئے نظر |
| ہیں فرشتے کھول کر بیٹھے ہوئے دفتر تمام |
| امن کے حصنِ حصیں میں جو بھی داخل ہو گئے |
| دار میں پہنچے وہیں آئیں گے اب بے گھر تمام |
| رہنما جس نے دیا پیغام سب کو امن کا |
| امن ہو گر رہنمائی اس سے لیں رہبر تمام |
| اس خزانے کی اگر ہو جائے دنیا کو خبر |
| دوڑ کر آئیں گے طارق تا ملیں گوہر تمام |
معلومات