میں سردابوں میں چھپ جاؤں |
میں صحراؤں میں کھو جاؤں |
میں کہساروں پہ چڑھ جاؤں |
کہیں بے نام ہو جاؤں |
میں تلواروں کے سائے میں |
میں انگاروں پہ سو جاؤں |
مصیبت ڈھونڈ لیتی ہے |
کسی بھی اہم منصب پر |
کبھی مامور ہو جاؤں |
کہیں مشہور ہو جاؤں |
ذرا مسرور ہو جاؤں |
یا پھر مغرور ہو جاؤں |
نشے میں چور ہو جاؤں |
چراغِ طور ہو جاؤں |
مصیبت ڈھونڈ لیتی ہے |
کہیں درویش ہو جاؤں |
کہیں راہب میں بن جاؤں |
پہن کے ایک دن گھنگرو |
میں بازاروں میں رل جاؤں |
کلیسا کے کٹھہرے میں |
گنہ میں اپنے گنواؤں |
میں چاہے دیر کو جاؤں |
میں چاہے حرم ہو آؤں |
مصیبت ڈھونڈ لیتی ہے |
وہ مجھ بن رہ نہیں سکتی |
جدائی سہہ نہیں سکتی |
معلومات