| آخر کو کیوں پہچان نہیں |
| انسان کو وہ حیوان نہیں |
| جب اپنی ذات میں کھو جائیں |
| اس ذات کا پھر عرفان نہیں |
| جو راہ بتانے آئے ہیں |
| کیا وہ بھی تھے انسان نہیں |
| توریت انجیل صحائف سب |
| لے کر آئے قرآن نہیں |
| تم سب کو بھول کے بیٹھ گئے |
| ان سب پر کیا ایمان نہیں |
| تم جان کسی کی گر لے لو |
| تو کیا وہ جان بھی جان نہیں |
| قدرت نے عقل ہمیں بخشی |
| کیا اس کا یہ احسان نہیں |
| گر سر جھک جائے قدموں پر |
| بندے کی کیا یہ شان نہیں |
| کچھ دیر کو سوچ کے دیکھو تو |
| آخر انساں ، انسان نہیں |
| اے مذہب کے ٹھیکیدارو |
| کیا تم ظالم انسان نہیں |
| شیطان سے کر کے بیٹھے تم |
| کیا کیا عہد و پیمان نہیں |
| جو ناحق جاں لے لیتا ہے |
| پھر کیونکر وہ شیطان نہیں |
| تم کونسا مذہب لے بیٹھے |
| مذہب کا یہ فرمان نہیں |
| جنّت کب ملتی ہے ایسے |
| ملتے حور و غلمان نہیں |
| جس مذہب کو تم مانتے ہو |
| کیا اس میں امن امان نہیں |
| ہے وقت ابھی تم باز آوٴ |
| توبہ کا بدل تاوان نہیں |
| سوچو کیوں روح تمہاری کو |
| حا صل اب تک وجدان نہیں |
| اب وقت قلم کا آیا ہے |
| تلوار لئے سلطان نہیں |
| اب پیار سے دل کو جیتو تم |
| جنّت اتنی آسان نہیں |
| جب تک نہ عمل ہو ساتھ لئے |
| ہوتا وہ قبول ایمان نہیں |
| طارق کیوں چین سے بیٹھا ہے |
| کیا اس پر تُم حیران نہیں ؟ |
معلومات