| جانے کس کس رستے پر ڈھونڈیں تُجھ کو انجانے میں |
| کتنا جیون کھو دیتے ہیں ، ہم بھی تُجھ تک آنے میں |
| ساقی بھر بھر جام پلائے ان کو جو آ جاتے ہیں |
| پھر بھی ہم کو آتے آتے دیر ہوئی میخانے میں |
| رشتوں میں تو سب سے اچھا رشتہ پیار کا ہوتا ہے |
| ایک یہی تو فرق ہے صاحب ، اپنے اور بیگانے میں |
| پیار میں جان لٹاُدینے کا قصد کیا تھا ہم نے بھی |
| ذکر ہمارا کل ہو شاید ، چاہت کے افسانے میں |
| عشق میں جو پاگل ہو جائے ، وہ مجنوں کہلاتا ہے |
| عقل کی بات کرے جو کوئی ، جائے پاگل خانے میں |
| شہر کے شور میں بھی ڈر لگتا ہے مجھ کو تنہائی سے |
| رونق مل جاتی ہے اب بھی لیکن اک ویرانے میں |
| طارق گھر گھر جا کر لوگوں کو یہ بات بتائیں اب |
| ہم سے آ کر آن ملیں کیوں رہتے ہیں شرمانے میں |
معلومات