| میرا پکڑ کے ہاتھ وہ واپس چلا گیا |
| جاتے ہوئے چراغ وہ سارے بجھا گیا |
| میرا گنہ یہ تھا کہ میں خاموش ہی رہی |
| لمحہ بہ لمحہ ہستی وہ میری مٹا گیا |
| کہتا تھا اس کے سامنے کیوں بولتی نہیں |
| میری زباں کھلی تو وہ اٹھ کر چلا گیا |
| مجھ کو یہ ڈر کہ ماں مری یہ سہہ نہ پائے گی |
| مردانگی کا زہر وہ مجھ کو پلا گیا |
| الزام بے وفائی کا مجھ پر لگا گیا |
| میری وفا کا قرض وہ ایسے چکا گیا |
| میں جس جگہ کھڑی تھی وہیں پر میں گڑ گئی |
| وہ تین لفظ بول کے کاغذ تھما گیا |
| چبھتی ہے اب نظر مجھے لوگوں کی اس طرح |
| وہ ایسے دیکھتے ہیں کہ میرا خدا گیا |
معلومات