| اپنا چہرہ بھی کچھ نکھر آئے |
| جب کبھی وہ ہمیں نظر آئے |
| ہم تو آنکھیں بچھائے رستے میں |
| منتظر ہیں کہ کب ادھر آئے |
| گو تھکے تو نہیں ہیں چلنے سے |
| ختم ہونے کو اب سفر آئے |
| گھر سے آئے جو کوئی نامہ بر |
| لے کے اچھی کوئی خبر آئے |
| رات بھر جس کا انتظار کیا |
| اب تو ایسی کوئی سحر آئے |
| تھے ملائک اگرچہ ساتھ ان کے |
| بن کے پیغامبر بشر آئے |
| پڑ گئی خاص جن پہ اس کی نظر |
| اُس کی مرضی تھی جب جدھر آئے |
| امن کا گھر ہے یہ ضمانت ہے |
| جس کو آنا ہے بے خطر آئے |
| جب خدا ناخدا ہو کشتی کا |
| کیا ہے خطرہ اگر بھنور آئے |
| آکے ہم اس کے در پہ بیٹھے ہیں |
| اپنی تقدیر بھی سنور آئے |
| ساتھ مل کر کریں دعا اُس کے |
| اور ہم کو بھی کیا ہنر آئے |
| کہہ نہ پائے کوئی یہاں طارق |
| ہم تو سرحد کو پار کر آئے |
معلومات