| جب تک سکُوتِ لالہ و گُل پر نظر رہی |
| دنیائے رنگ و بُو سے مری آنکھ تر رہی |
| اس زندگی کا کیا ہے گزر جائے گی کبھی |
| گزری سکون سے تو کبھی دربدر رہی |
| نوچی گئی ہیں راہوں پہ سب دُخترانِ قوم |
| پھر اشتہائے ظُلم و زنا رات بھر رہی |
| صدیوں سے رہتے آئے ہیں اک دوسرے کے ساتھ |
| اردو دل و دماغ تو ہندی بَصَر رہی |
| پھر کیا ہؤا اے دوست بہت سیخ پا ہوئے |
| کیوں تیرے قہر و جبر کی مجھ پر نظر رہی |
| مسکن مرا وہی ہے جو آبا مرے کا تھا |
| اب پوچھتے ہو مجھ سے کہاں کب بسر رہی |
| لکھئے وہی جو ہو رہا نازل قلوب پر |
| کہئے وہ بات جس کی سند معتبر رہی |
| (فساداتِ دہلی کا یو ٹیوب پر کلپ جسمیں مسلم لڑکیوں کو بر سرِ عام بی جے پی کے غنڈوں نے نوچا) |
معلومات