| جب تم سے اس نے آنے کا وعدہ نہیں کیا |
| تو پھر وفا کا اس نے ارادہ نہیں کیا |
| تم نے جگہ بنانے کی کو شش تو کی بہت |
| دل اس نے اپنا اتنا کشادہ نہیں کیا |
| بالا سمجھ کے خود کو جو بیٹھا رہا الگ |
| اس نے نصیحتوں سے افادہ کیا نہ تھا |
| اس سے جو چند لمحے ملاقات اک ہوئی |
| ہم نے کبھی پھر اِس کا اعادہ کیا نہ تھا |
| شاید نہ ہم سمجھ سکے اس کے مزاج کو |
| اس نے بھی التفات کا وعدہ کیا نہ تھا |
| دنیا کی دل فریبیوں سے اس کو عشق تھا |
| ہم نے یہ شوق اپنا زیادہ کیا نہ تھا |
| پیدا ہوئے تھے جب نہ چھپانے کو تھے گناہ |
| قدرت نے انتظامِ لبادہ کیا نہ تھا |
| مغلوب اس لئے نہ ہوئے خواہشوں کے ہم |
| معصومیت نے اتنا بھی سادہ کیا نہ تھا |
| طارق فریفتہ ہوئے اک شخص پر جو ہم |
| پھر ترک اس کی چاہ کا جادہ نہیں کیا |
معلومات