| رندوں کی محفلوں سے اگر مجتنب رہا |
| پیرانِ باصفا میں بھی مقبول کب رہا |
| دیکھا اسے ہر ایک نے مُٹھّی میں کچھ لئے |
| پوچھا نہیں کسی نے کبھی کیا سبب رہا |
| اُٹھّو کہ وقت لے رہا ہے تازہ کروٹیں |
| جاگو زمانہ وقت کا محتاج کب رہا |
| یوں تو تری کہانیاں اُلجھی رہیں سدا |
| پر اب کی بار دوست ترا دکھ عجب رہا |
| ذرّہ ہوں مَُیں تو کس لئے پیدا کیا مجھے |
| خورشید ہوں تو کس لئے مرہونِ شب رہا |
| اس گھر میں فرطِ عیش سے پیوستہ لب رہے |
| اس گھر میں شیر خوار کوئی تشنہ لب رہا |
| زردار کو گر اتنا نوازا کہ بھر دیا |
| پھر پوچھتے ہیں بے نوا تُو کس کا ربّ رہا |
| بحرِ ہُدیٰ ہے سب کے لئے ایک سا امید |
| سیراب ہؤ ا کوئی کوئی تشنہ لب رہا |
معلومات