آئے ہیں جو پھر جلسہ کے ایّام مبارک |
آغاز بھی خوشیوں سے ہو انجام مبارک |
ہر لحظہ فرشتوں کی حفاظت میں رہو تم |
روشن ہو ہر اک صبح ، ہر اک شام مبارک |
تائید الٰہی کے جو تم ذکر سُنو گے |
افضالِ الٰہی ، تمہیں انعام مبارک |
مل بیٹھو گے ان سے جو نئے آن ملے ہیں |
صحبت ہو بزرگوں کی بھی ہر گام مبارک |
اس سال کے دوران جو رخصت ہوئے ہم سے |
کرتے ہیں دعا جب وہ سُنیں نام مبارک |
گر لب پہ رہے ذکر خدا کا بھی شب و روز |
پھر ہوں گے ہما رے تو سبھی کام مبارک |
مل جائے خلیفہ کی ہمیں دید کی لذّت |
زندہ جو کریں روح کو ، پیغام مبارک |
پائیں گے وہی امن ، جو آ ئیں گے یہاں پر |
کہتے ہیں انہیں ہم ، تمہیں اسلام مبارک |
صحبت کا بزرگوں کی جو ہے فیض اٹھایا |
نیکی کا ہوا دل پہ جو الہام ، مبارک |
طارق ہیں کڑے ہجر کے آلام جو جھیلے |
تب آیا ہے خوشیوں کا یہ ہنگام مبارک |
معلومات