| دھو کے دل میرا کبھی آئنہ اُجلا کر دے |
| جذبۂ عشق مری روح کو تازہ کر دے |
| شادمانی نہ بنے تُجھ کو بھلانے کا سبب |
| غم سے بیکس کے مجھے ایسا شناسا کر دے |
| تُو کسی بات پہ ناراض نہ ہو جائے کہیں |
| نفس کی کوئی نہ خواہش مجھے رسوا کر دے |
| دوستوں کی میں کروں آؤ بھگت جی بھر کے |
| ہو نہ بیگانگی ایسی کہ جو تنہا کر دے |
| میں تو لاچار ہوں بیماریٔ دل کے ہاتھوں |
| چارہ گر میرے لئے کوئی تو پیدا کر دے |
| اب جو حالت تری دنیا کی ہے تُو جانتا ہے |
| کون کب چپکے سے ایمان کا سودا کر دے |
| اب مسیحا کی ضرورت ہے سبھی جانتے ہیں |
| پھر ہوئی قوم ہے مُردہ اسے زندہ کردے |
| طارق اب اور میں کیا مانگوں خدا سے اپنے |
| میں نے مانگا ہے یہی وہ مجھے اپنا کر دے |
معلومات