دل چ آوے کنھی وار
کرئیے بیہ کے گلاں چار
ڈگدے ڈھئیندے ٹُر دے نال
اک جیون ، تے دکھ ہزار
آساں تانگاں کیوں چھڈ دَیّیے
جیوندا رئے او ساڈھا یار
دل چ ساڈھے خوف نہ کوئی
جتئے ، بھاویں جائیے ہار
کتھے یاد ، اڈیکاں یارا
ساڈھی جد آئی سرکار
سجے کھبے تکناں کیہ اے
بیڑی تے بیہ ، ہو جا پار
سانجھے پھٹ تے پیڑاں کتھے
اینویں کئیندے، کر دے پیار
نریاں گلاں کم نہ آون
ویکھ عمل نوں، سوچ وچار
ڈھول ڈمھکے نال توں ڈُھکدا
کٹھے دن نہ کڈھیں چار
سِدھے مونہہ نہ گل کریں توں
کیہڑی گل دی تینوں کھار
پانی پا ، ودھاویں لسّی
آڈھا نت دا ، رب دی مار
ایہہ نہ منگن خیر کسے دی
جے کر منگن ، بیڑا پار
ات خدا دا ویر سنی دا
روندے بیہ کے زار و زار
سارے لنگ گئے پار جدوں نے
اسیں نہ رہیئے ادھ وچکار
طارق اگے دا کُجھ کر تُوں
ماڑے دُبڑے دی لے سار

0
33