بڑے فیض والی گدائی ہے اُن کی |
فضیلت یہ رب نے بنائی ہے اُن کی |
ہے لولاک آقا کو پیغامِ ربی |
ملی ان کو کوثر خدائی ہے اُن کی |
اُسے کامرانی ملی دو جہاں میں |
نظر خیر سے جس پہ آئی ہے اُن کی |
نہیں قابو رہتا حزیں دل پہ میرا |
کٹھن زندگی میں جدائی ہے اُن کی |
تصور میں جاتا ہوں میں سوئے بطحا |
یہ بھی میرے دکھ کو دوائی ہے اُن کی |
غنی ہو گیا دو جہاں میں وہ سائل |
جسے راہ رب نے دکھائی ہے اُن کی |
ہیں محمود تجھ پر گراں کرم اُن کے |
یہ مدحت جو من نے سنائی ہے اُن کی |
معلومات