ہے بندہ وہ اس کا جو مانگے خدا سے |
خدا اس کا داتا جو مانگے خدا سے |
خدا سے ہے مانگا صفِ انبیا نے |
علی کے بھی گھر آلِ کہف الوریٰ نے |
سخی شاہِ شاہاں نے سب اولیا نے |
وہ خوش ہی رہا ہے جو مانگے خدا سے |
خدا اس کا داتا جو مانگے خدا سے |
یہ ہستی بھی کیا ہے کیا ہیں وسائل |
بنا رحمتوں کا حزیں دل کو قائل |
نہ ہو دل شکستہ تو رب کا ہے سائل |
سدا شاد ہے وہ جو مانگے خدا سے |
خدا اس کا داتا جو مانگے خدا سے |
سدا رحمتوں کی ہیں آتی صدائیں |
ہے قادر خدا ہی کرو تم ندائیں |
وہ جھولی بھی دیتا ہے کرتا عطائیں |
خدا کا ہے بردہ جو مانگے خدا سے |
خدا اس کا داتا جو مانگے خدا سے |
وہ مالک ہے ہستی کا سب سے ہی اعلیٰ |
صمد ذاتِ باری وہ سب سے ہے یکتا |
حزیں دل کو لے کر تو سجدےمیں گر جا |
وہ سب کی ہے سنتا جو مانگے خدا سے |
خدا اس کا داتا جو مانگے خدا سے |
صنم توڑے لا نے ہیں سب ما سوا کے |
تعلق ہے الا اے بندے خدا سے |
یوں ہی لیتے آئے ہیں سارے خدا سے |
ہے محمود ملتا جو مانگے خدا سے |
خدا اس کا داتا جو مانگے خدا سے |
معلومات