| ہر اک سنگِ سیہ کعبے کے کونے میں نہیں آتا |
| ہو پتھر دل ، سیہ دامن تو ، دھونے میں نہیں آتا |
| اگر کوئی ملمّع ، دیکھنے میں بھی سنہرا ہو |
| چمک جانے سے بھی زیور ، وہ سونے میں نہیں آتا |
| زمانے میں بہت کچھ ہو گیا ہے ارتقا دیکھو |
| مگر جو چاہئے ہونا، وہ ہونے میں نہیں آتا |
| جو بوئیں وقت پر وہ بیج ، پھلتے پھولتے ہیں پھر |
| مزہ ، موسم نہ ہو تو ، فصل بونے میں نہیں آتا |
| مجھے تم سے زیادہ ، تم سے ملنے کی تمنّا ہے |
| مگر کمبخت موسم ، ٹھیک ہونے میں نہیں آتا |
| بہت کچھ کھو دیا پہلے ہے میں نے سودے بازی میں |
| مگر دل کھو دیا جائے تو کھونے میں نہیں آتا |
| مری چشمِ تصوّر سے وہ ہو سکتا نہیں اوجھل |
| نہ آئے خواب میں تو لُطف سونے میں نہیں آتا |
| اگر دل ساتھ آنکھوں کا نہ دے تنہائی میں طارق |
| سکوں راتوں کے سجدوں میں بھی رونے میں نہیں آتا |
معلومات