دم بدم ہم قدم، ہم قدم دم بدم |
سارے مل کر چلیں ہم قدم دم بدم |
ساتھ تیرے چلیں سانس کے زیر و بم |
دم بدم ہم قدم، ہم قدم دم بدم |
تُو نے پہنا خلافت کا جب پیرہن |
تُجھ سے بیعت ہوئے ہیں سبھی مرد و زن |
جو کہے تُو اطاعت کریں منّ و عن |
تُو سلامت رہے تُو رہے خندہ زن |
ساتھ تیرے چلیں سانس کے زیر و بم |
دم بدم ہم قدم ، ہم قدم دم بدم |
دم بدم ہم قدم، ہم قدم دم بدم |
سارے مل کر چلیں ہم قدم دم بدم |
ہم عَلَم لے کے نکلے ہیں اسلام کا |
سارے عالم میں چرچا ہے پیغام کا |
ہے نہیں وقت کوئی بھی آرام کا |
ہم مسلسل چلیں وقت ہے کام کا |
اس میں پیچھے رہیں گے کبھی بھی نہ ہم |
ساتھ تیرے چلیں ، سانس کے زیر و بم |
سارے مل کر چلیں، ہم قدم دم بدم |
دم بدم ہم قدم، ہم قدم دم بدم |
ہم خلافت کی شمع اُٹھائے ہوئے |
سب اسی نُور سے ہیں نہائے ہوئے |
قافلے دور دیسوں سے آئے ہوئے |
کتنے ٹی وی پہ نظریں جمائے ہوئے |
جان تُجھ پر نچھاور کریں سارے ہم |
ساتھ تیرے چلیں ، سانس کے زیر و بم |
سارے مل کر چلیں، ہم قدم دم بدم |
دم بدم ہم قدم، ہم قدم دم بدم |
خوں شہیدوں کا کب رائیگاں جائے گا |
رنگ و بُو سے نہا گلستاں جائے گا |
اب جہاں تک بھی یہ آسماں جائے گا |
آگے بڑھتا ہی یہ کارواں جائے گا |
فتح و نصرت ہی چومے گی اس کے قدم |
ساتھ تیرے چلیں ، سانس کے زیر و بم |
سارے مل کر چلیں، ہم قدم دم بدم |
دم بدم ہم قدم، ہم قدم دم بدم |
معلومات