| یوں ستم ڈھانا اس کی عادت ہے |
| ہنس کے سہہ لینا میری فطرت ہے |
| اُس کو اس بات کا گلہ کیا ہے |
| سن کے چپ رہنا کیا عداوت ہے |
| ہم نے اپنا سمجھ کے شکوہ کیا |
| تم نے جانا کہ یہ بغاوت ہے |
| دیکھ لینا حسین چہرے کو |
| تم سمجھتے ہو کیا شرارت ہے |
| تم کنایوں میں بات کرتے ہو |
| ہو گئی کیا تمہیں محبّت ہے |
| ہم کسی کا جو نام لیتے ہیں |
| وہ سمجھتے ہیں یہ رقابت ہے |
| آشنا اس کی ذات سے جو کرے |
| مل گئی ہم کو وہ رفاقت ہے |
| مسکراتا ہے دیکھ کر ہم کو |
| آجکل بڑھ گئی سخاوت ہے |
| فیصلہ خود ہی اس کو کرنا ہے |
| ہاتھ میں اس کے جب عدالت ہے |
| کچھ ہماری اگر ذرا سُن لے |
| ہم سمجھ لیں گے کچھ شرافت ہے |
| دور آیا ہے جو مسیحا کا |
| آئی مہدی کی اب امامت ہے |
| اس زمانے میں جو قبول کرے |
| اصل میں تو یہی شجاعت ہے |
| عقل سے کام لے کے چِت کر دے |
| پہلواں ہے وہی ، حکایت ہے |
| طارق اس کا ہوا جو شیدائی |
| یہ تو اُس پر خُدا کی رحمت ہے |
معلومات