| یوں تو ہے آبگینہ، عورت ہے اک خزینہ |
| ہم کو ملا زمیں پر یہ قیمتی نگینہ |
| آتی ہے گھر میں جب یہ ہوتی ہیں رونقیں یوں |
| اتری پری ہو کوئی یا حور سی حسینہ |
| ہوتی ہے لاڈلی یہ ماں باپ کی تو ایسی |
| جیسے کہ مل گیا ہو قارون کا دفینہ |
| نازوں سے پل کے گھر میں ہوتی جوان ہے یہ |
| اس پر نظر پڑے تو ٹھنڈا ہو ماں کا سینہ |
| ساتھ اپنے لے کے آئے جنَّت کی یہ بشارت |
| والد بہا ئے دن بھر اس کے لئے پسینہ |
| بیٹی کے روپ میں یہ آنکھوں کی ایسی ٹھنڈک |
| آتی ہے نور بن کر بنتی ہے چشمِ بینا |
| رکھتی ہے بھائیوں کو بھی لاڈلا تو لیکن |
| بہنوں سے دوستی بھی مل جُل کے کھانا پینا |
| تعلیم اپنی حاصل کرتی ہے ہر قدم وہ |
| گھر داری کا سلیقہ سیکھے پرونا سینا |
| پھر گھر سے ہو کے رخصت جاتی ہے اک نئے گھر |
| یاں پر نئے سرے سے ہوتا ہے ایک جینا |
| شوہر کی ذمہ داری بچوں کو پالنا ہے |
| عورت کو لے کے چلنا ہے ساتھ یہ سفینہ |
| قدرت نے کی ودیعت ہے اس میں صبر و ہمّت |
| ہو جائے ورنہ مشکل گزرے نہ اک مہینہ |
| عورت ہی نسلِ نو کو پروان ہے چڑھاتی |
| دینا ہے اس نے ان کو آداب کا قرینہ |
| عورت ہے ماں تو جنَّت قدموں تلے ہے اسکے |
| پروان جب چڑھیں گے گودوں میں متّقی نا |
| عورت کے روپ سارے لگتے ہیں کتنے پیارے |
| مریم ہو آسیہ ہو مومن ہو تب کہیں نا |
معلومات