| مقصُودِ تمنّا ہے کہ آشفتہ سری ہے |
| ہر راہ گزر درد کے کانٹوں سے بھری ہے |
| تم نےمجھے چھوڑا نہ کبھی مَیں ہؤا بد دل |
| حالات کی گردش میں نصیبوں کی بلی ہے |
| پیرانِ حرم بر سرِ پیکار ہیں باہم |
| اس شہر میں نفرت کی عجب رسم چلی ہے |
| وہ دورِ تہی دست کہ آدم ہؤا ناپید |
| اک حُبِ زر و مال کہ ہر دل میں ڈھلی ہے |
| سمجھا نہیں ابتک مَیں کبھی فصلِ بہاراں |
| ہر غنچہ پریشان ہے افسردہ کلی ہے |
| مُفتی کی ضرورت نہ کسی عالمِ دیں کی |
| ہر آدمی علّامہ ہے ہر شخص ولی ہے |
| کانٹوں بھری راہیں بھی ہیں اور تیرہ شبی بھی |
| پر قافلہ سالار حسین ابنِ علی ہے |
معلومات