| شکایت مجھے ان جوانوں سے ہے |
| جو شوقِ سیاست سے آزاد ہیں |
| جہاں بانی جن کی تھی دیرینہ خو |
| حسینوں کی الفت میں برباد ہیں |
| ادائے حسیں کے گرفتار ہیں |
| یہ فرہاد و مجنوں کے ہم زاد ہیں |
| بلندی جہانوں کی یہ چھوڑ کر |
| یہ ویران بستی میں آباد ہیں |
| زمانے کی ذلت کے دلدل میں بیٹھے |
| اسی میں مگن ہیں یہیں شاد ہیں |
| دو بیدارئیَ مغز کا تم ثبوت |
| وگرنہ یہ اسپین و بغداد ہیں |
| یہ شیطاں بھی تجھ سے پریشان ہے |
| زمیں تا فلک ہرشی حیران ہے |
| کسی زلفِ دوتا کو گر دیکھ لو |
| مچلتا ترے دل میں ارمان ہے |
| جوانی تری کتنی ویران ہے |
| فقط میرؔ و غالب ؔ کا دیوان ہے |
| حسینوں سے دل کو لگاتا ہے تو |
| اداؤں سے خود کو لبھاتا ہے تو |
| تجھے آتشِ رفتہ کیوں چاہۓ |
| رقیبوں کو خود سے جلاتا ہے تو |
| ہے قربِ حسیں مرقدِ زندگی |
| محبت نہیں مقصدِ زندگی |
| کوئ زلف برہم میں الجھا ہوا |
| کوئ دل تبسم سے سلجھا ہوا |
| اسیرِ محبت جو لالہ ہوا |
| ہے فرقت میں شبنم کی مرجھا ہوا |
| یمِ بے خودی بھی یہی عشق ہے |
| کہ مرگِ خودی بھی یہی عشق ہے |
| نہ پھل دے جو وہ بیج بوتا ہے تو |
| سدا کِشتِ انمول کھوتا ہے تو |
| سحر گاہی تجھ پر گراں بار ہے |
| شبِ ہجرِ یاراں میں روتا ہے تو |
| جوانی تری مہر و مہتاب ہے |
| کہ ہستی تری یہ جہاں تاب ہے |
| پری وش سے بہتر کئی حور ہیں |
| چمک برق و بجلی کشش نور ہیں |
| کئی حور بیٹھیں تری راہ پر |
| رسائی سے تیری مگر دور ہیں |
| وہاں تک رسائی اگر چاہیے |
| نظر اپنی نیچے جھکا لیجیے |
| تو آفاقی ہستی یہی تیری شان |
| نہ کر عشق بازی میری بات مان |
| نہیں زیب تجھ کو کبوتر کا سنگ |
| تو شاہیں ہے شاہینی پرواز جان |
| ابھی منتظر بھی بہت دور ہیں |
| محبت سے آگے جہاں اور ہیں |
| نہ کیوں تیری آنکھوں میں دیرینہ خواب |
| نہ کیوں تیرے دل میں وہ سوز اور تاب |
| پر و بال و شاہیں بھی حاصل تجھے |
| نہیں تجھ کو پھر کیوں نگاہِ عقاب |
| وجودِ چمن میں تو مانندِ پھول |
| حکومت تیری راہِ ہستی کی دھول |
| سیاست ہے فاروؔؓقِ اعظم کا نام |
| سیاست ہے میناۓ یثرب کا جام |
| سیاست ہے ایؔوب کی سلطنت |
| سیاست ہے حیؔدر علیؒ کا پیام |
| سیاست ہے عثمؔان کی سرگزشت |
| سیاست ملِکؔ شاہ سنؔجر کا دست |
| سیاست نشانی ہے محموؔد کی |
| سیاست ایازؔی کا ہے دستِ رست |
| سیاست ہے اورنگِ اورنگزیؔب |
| سیاست ہے آلات ِخوشرنگ زیب |
| سیاست سے تو بھی جہاں زیب ہے |
| سیاست سے دنیا یہ پازیب ہے |
| تمہیں کیا خبر اس کی کیا شان ہے |
| سیاست سے دربان سلطان ہے |
| سیاست ہی تختِ سلؑؔیمان ہے |
| سیاست بنا دین بے جان ہے |
| سیاست سے ہے یہ نظامِ حیات |
| سیاست سے قبضے میں کل کائنات |
| سیاست حیاتِ تمامِ امم |
| سیاست ہے وحدانیت کا علم |
| سیاست غزالؔی کی تقریر ہے |
| سیاست یہ طوسؔی کی تحریر ہے |
| سیاست یہ شامؔی کی تفسیر ہے |
| سیاست یہ امت کی تقدیر ہے |
| سیاست سے آباد سنسار ہے |
| سیاست سے ذرہ بھی کہسار ہے |
| سنو بلبلِ گلسِتاں کا پیام |
| سیاست سے مسلم کو ملتا دوام |
| سیاست جہاں بانی کا راز ہے |
| سیاست یہ عہدِ کہن ساز ہے |
| سیاست ہے پیغامِ حق کی صدا |
| سیاست ہے قرآن کی بھی ندا |
| سیاست ہے مظلوم کو داد رس |
| سیاست ہے بازوۓ فریاد رس |
| پلادے جوانوں کو پھر کہنہ جام |
| کرے ہند میں جو سیاست قیام |
| انہیں بھی جوانوں کا دے حوصلہ |
| عرب کے سواروں کا دے حوصلہ |
| بیاباں و صحرا کا دل چیر دے |
| بنا کر پہاڑوں سے شمشیر دے |
| تڑپتا رہے جو تری یاد میں |
| یہ مجنوں پھرے شہرِ آباد میں |
| سلگتا رہے جو کہ برسات میں |
| چمکتا رہے جو سیہ رات میں |
| جھکادے زمانے کو جو تیرے در |
| کہ گن گاۓ تیرا یہ بحر اور بر |
| عقابی نظر ان جوانوں کو دے |
| کبوتر کے بچوں کو شاہینی پر |
| ستاروں کی بستی زمیں بوس ہو |
| فلک کی بلندی زمیں بوس ہو |
| مسخر ہواؤں کو پھر عام کر |
| کہ شاہیں کا بچّہ ہوا دوش ہو |
| انہیں کے عمل سے جواں تیرا دیں ہے |
| یہی تیری بستی کا واحد مکیں ہے |
| گو دیتا ہے بیزاریوں کا ثبوت |
| مگر تیرے در پر جھکاتا جبیں ہے |
| محبت کی پہلی روش نا سہی |
| جو گر ہے بھی لیکن کشش نا سہی |
| تمناۓ لیلی ہے مثلِ سراب |
| یہ مجنوں پھرے ہے بے تعبیر خواب |
| عطا کر انہیں بھی وہ بیتاب دل |
| ہو برپا جہاں معرکہ کارگِل |
| کرے آشکارا جو رازِ حیات |
| امم کو دے وجہِ جہانِ ثبات |
| عیاں کردے ان پر تو کل کائنات |
| سکھادے انہیں بھی وہ رمز و نکات |
| جگر سوز نالہ ، نظر عالی دے |
| وہی دل وہی عشقِ اقبالؒؔی دے |
| خدایا مجھے شوقِ سرکار دے |
| وہ ہرشی مجھے جو ہے درکار دے |
| جواں عزم کو برق رفتار دے |
| جہانِ سیاست میں کردار دے |
| مری یہ دعا ہے مجھے مار دے |
| وگرنہ اداۓ جہاں دار دے |
| نگاہوں میں تأثیرِ اجداد دے |
| کہ تو بھی کبھی پھر مجھے داد دے |
| بنا اپنے شاہی ؔ کو سرکار دے |
| نگاہیں اسے مثلِ تلوار دے |
| سیاسی جواں ہے سیاست سکھا |
| زمانے میں پھر اس کا سکہ چلا |
| میں تنہا سیاست کا اک بزم ہوں |
| ارادے ہیں پختہ جواں عزم ہوں |
| شکست و فتح سے میں ہوں بے نیاز |
| مرا کام کرنا، ترا سرفراز |
| میسر انہیں ہر گھڑی دید ہو |
| یہی ہے علاجِ جواں دلگداز |
| انہیں ذوقِ خالد دے شوقِ علی |
| رواں ان کے رگ میں ہے خوں ترکتاز |
| انہیں سوزِ ٹیپو سے سرشار کر |
| یہ کمزور خاکی بھی ہے شیر باز |
| تری خاک میں ذرۂ آفتاب |
| تری لے سے روشن ہے صد ماہتاب |
| جہاں اس سے روشن ،وہ مہتاب ہے |
| تری تاب سے نورِ مہتاب ہے |
| سمجھتا ہے بس کہ یہی زندگی ہے |
| عباداتِ حق ہی فقط بندگی ہے |
| نکل جا اے غافل خیال و گماں سے |
| حیات و مماتوں کے ویراں مکاں سے |
| خلافت کا شیرازہ جو منتشر ہے |
| سیاست تری راہ کی منتظر ہے |
| بہاروں کے موسم میں افسردگی |
| گلِ نو کو ہے گل سے آزردگی |
| تبسم ہوا وجہِ شرمندگی |
| کلی ہوگئی نذرِ پژمردگی |
| غلامی اسیری کی پابندگی |
| سمجھتا ہے ناداں اسے زندگی |
| ابھی وقت فرصت ہے کچھ کام کر لو |
| کہ ہستی کو اپنی بھی خوش نام کرلو |
| اگر سو گیا اپنے اوقات میں |
| نہ آئے گا کچھ بھی ترے ہاتھ میں |
| تو ہے فاتح ِ عالمِ کن فَکن |
| سیاست کو ہر پل بنا اپنا دھن |
| حصولِ صنم سے وہ مجبور ہے |
| جنونِ محبت سے جو دور ہے |
| تڑپ جستجو کی جو پیدا کرے |
| یہ منزل انہیں پر ہویدا کرے |
| سیاست کو غافل ؔ ہمہ گیر کر |
| سیاست سے خود کو جہاں گیر کر |
| جو کرنا ہے تجھ کو زمانے کو رام |
| تو ہر لمحہ راحت ہے تجھ پر حرام |
| سلاطینِ عالم گداگر ترا ہو |
| کہ لے اپنے روشن خرد سے تو کام |
| ظفر کے لئے بس جنوں چاہیے |
| نہ طاقت نہ شہرت فسوں چاہیے |
| تماشائی نہ بن تو میداں میں آ |
| ہو یوسؑؔف جو تو بھی تو زنداں میں آ |
| صفت پھر وہ صحرا نشیں پیدا کر |
| نگر سے نکل کر بیاباں میں آ |
| میسر نہیں ہے عقابی نظر |
| نہیں تیرے سینے میں شاہیں جگر؟ |
| سخاوت نشاں تیرے اجداد تھے |
| جہاں میں اسی سے وہ آباد تھے |
| مگر تیری فطرت تہی دست ہے |
| جو ہے باقی وہ بھی تہِ دست ہے |
| نگاہوں میں ہردم زیاں اور سود |
| گیا لے کے کوئی صفت ہاۓ جود |
| تو خاکی ہے پروازِ محوِ غرور |
| اسی سے ہے پاتا ترا دل سرور |
| یہ تعلیمِ لادیں کی ہے پرورش |
| نہیں ہے مگر تیرا اس میں قصور |
| تو رفتارِ گردوں کو حیران کر |
| تو پرواز اپنی مسلمان کر |
| تری عقل گو ہے بہت دردبیس |
| مگر سینا رکھتا ہے قلبِ خسیس |
| اسیرِ جہانِ بے وقعت نہ بن |
| یہ دنیا ترے ہی لیۓ ہے دریس |
| کہ شک ہی نہیں اس میں لا ریب ہے |
| ہو گر بات دیں کی تہی جیب ہے |
| گو ہستی تری ذرۂ ریگزار |
| نہیں تجھ سے بہتر مغل شہسوار |
| سیاست ہے غیروں میں وجہِ درار |
| مگر مجھ کو آتا اسی سے قرار |
| الجھ سا گیا ہوں میں اس کھیل میں |
| مرے واسطے نے ہے راہِ فرار |
| سیاست کہ دینارِ مضروب ہے |
| مرے واسطے مثلِ مشروب ہے |
| سیاست سے دوری شبِ ہجر ہے |
| سیاست مجھے وصلِ محبوب ہے |
| نگاہِ پریشاں کے دل کا قرار |
| مری آنکھ روۓ اسے زار زار |
| سیاست مجھے اتنا محبوب ہے |
| کہ عاشق کو مہ جتنا محبوب ہے |
| سیاست مجھے جان و دل سے عزیز |
| سیاست مجھے بھول و گل سے عزیز |
| سیاست مجھے بڑھ کہ وصلِ حسیں |
| سیاست پسند ہے مرا ہم نشیں |
| سیاست ہے سیں سے اشعار شین |
| انہیں سے بچاؤں گا میں اپنا دین |
| سیاست مری ہاں جہاں گیر ہوگی |
| نمایا ہے جس میں یہ بھارت وَ چین |
| اسی پیچ و خم میں الجھتا گیا |
| میاں سین و شیں میں میؔں پھنستا گیا |
| یہی کچھ متاع ہے یہ نادار کی |
| صنم جاں گسل ہے مرے یار کی |
| سناؤں تمھیں بات کیا راز کی |
| تمہیں تو پڑی ہے فقط پیار کی |
| مچل آتا روحوں سے الفاظ میں |
| نکلتا ہوں جذبوں سے الفاظ میں |
| اثر ہو نہ ہو بر میری بات سن |
| کرو پیدا خود میں سیاست کا گن |
| کہاں تک رہو گے مگن رنگ و بو میں |
| ہوئی دیر غافل کہ اب زود کن |
| کہ بزمِ سیاست میں تو خود کو چُن |
| سیاست سے اسلامی شیرازہ بُن |
| دِیا اپنے گھر میں تو پہلے جلا |
| زمانے کی ٹکر کا بازو بنا |
| اگر ہنؔد میں تجھ کو رہنا سدا |
| پیادہ نہیں خود کو راجہ بنا |
| اسے ہی ملا حق کہ جو لڑ گیا |
| اگر ڈر گیا جو تو وہ مر گیا |
| سیاست ہی طرزِ جنوں اولیں |
| سیاست ہی دیں ہے کہیں نا کہیں |
| سیاست ہی اس دور میں تیغ ہے |
| سیاست سے دنیا میں محفوظ دیں |
| سیاست ہے وجہِ بصد آفریں |
| سیاست سے آباد دار و مکیں |
| سیاست ہی دیں کا ستوں اولیں |
| سیاست ہی نگرانِ دینِ مبیں |
| سیاست ہی قوموں کی روشن جبیں |
| سیاست ہی وجہ دوامِ زمیں |
| یہی دورِ حاضر کا پیغام ہے |
| سیاست سے محفوظ اسلام ہے |
| نہ آئیں سیاست کے ایواں میں گر |
| طلوع ہوگا نورِ خدا کفر پر |
| نشاں صفحۂ ہستی سے مٹ جائے گا |
| مٹے گا جہانِ فنا یہ مگر |
| چمکتا رہے گا یہ مہر و نگیں |
| ہمیشہ رہے گا محمدﷺ کا دیں |
معلومات