| مجھ کو شبِ فراق سے ہرگِز گِلہ نہیں |
| وصل و فراق داستاں ہے فاصلہ نہیں |
| اس پیڑ کے نیچے ہے کسی بے گنہ کی لاش |
| شاید اسی لئے کوئی پتّا ہرا نہیں |
| صحرا سے آ رہی ہے کسی فاقہ کش کی گونج |
| دنیا میں زندہ رہنے سے بڑھ کر سزا نہیں |
| ساری دعائیں کر لیں اُٹھا کر فلک کو ہاتھ |
| اس نامراد بھُوک کی کوئی دعا نہیں |
| نا جانے کیوں نفور ہیں یارانِ بذلہ سنج |
| مانا بُرا سہی مگر اتنا بُرا نہیں |
| اکثر شبِ وصال کے ساتھی چلے گئے |
| ہم بھی چلیں امید کسی کو بقا نہیں |
معلومات