| حالات اپنے خود بھی ذرا سا سنبھالئے |
| ہیں آج کے جو مسئلے ، کل پر نہ ٹالئے |
| نکلے ہیں آسماں پہ زمیں کی حدود سے |
| تہہ میں سمندروں کے بھی پاؤں لگا لئے |
| احساس کچھ عجیب سا آکر ہوا یہاں |
| جیسے کسی نے سوچ پہ پہرے بٹھا لئے |
| کہتے ہیں جو بھی کہہ چکے اب تک تو ہے معاف |
| آگے نہ ایک لفظ بھی منہ سے نکالئے |
| نفرت کی آندھیوں میں ہوئے گُل سبھی چراغ |
| ہم نے محبّتوں کے دئے پھر جلا لئے |
| جس جس نے ہم سے کی تھی بھلائی جہان میں |
| جنّت میں کیا انہوں نے ، نہیں گھر بنا لئے ؟ |
| کہتے ہیں رہ گئے تھے جو کرنے سے کچھ گناہ |
| وہ نیکیاں تو کھاتے ہمارے میں ڈالئے |
| طارق نہ دیکھ پائے ، بصیرت جنہیں نہ تھی |
| ہم نے خزانے علم کے تو بے بہا لئے |
معلومات