| آگئے ہیں جو یہاں اب نہیں جانے والے |
| میکدے سے نہیں آئیں گے اٹھانے والے |
| تشنہ لب پیاس بجھائیں گے تو جائیں گے کہیں |
| چشمۂ فیض پہ آئے ہیں جو آنے والے |
| وقت کی بات ہے پکڑے گی مکافاتِ عمل |
| کب سکوں پا ئیں ، فقیروں کو ستانے والے |
| روح بیتاب ہے ، دل تیرے بنا ہے بے کل |
| ختم ہوتے ہیں کہاں لمحے رُلانے والے |
| اُٹھ کے اب ہم تری محفل سے کہاں جائیں گے |
| یونہی کہتے ہیں یہ بے پر کی اُڑانے والے |
| ہم نے دھوکہ نہیں کھایا تجھے دیکھا جب سے |
| گو ملے ہم کو بہت خواب دکھانے والے |
| دب نہیں سکتی ہے طارق کبھی حق کی آواز |
| ہوں گے خاموش یہی شور مچانے والے |
معلومات