| ہجر میں ہم نے سہے درد اضافی تو نہیں |
| کوئی مرہم ترے زخموں کی تلافی تو نہیں |
| ساتھ دینے کا جو وعدہ تھا نبھایا اس نے |
| ہم نے شکوہ جو کیا وعدہ خلافی تو نہیں |
| اعلیٰ اخلاق سے بھی لوگ ہیں قائل ہوتے |
| اک پیمبر کے لئے معجزہ کافی تو نہیں |
| ہم تو بیگانوں کو اپنا لیں بڑے فخر کے ساتھ |
| پیار کرنا ہو تو قانون منافی تو نہیں |
| ہمیں امّید ہے بخشش کا بھی ساماں ہو گا |
| ہاں یہ سچ ہے کہ وہاں عام معافی تو نہیں |
| چارہ گر وہ ہو اگر ہو گا اثر باتوں میں |
| دل کے زخموں کا علاج اتنا بھی شافی تو نہیں |
| طارق اظہارِ وفا پھر سے کریں گے جا کر |
| اس سے کچھ کہنا کوئی سنگ شگافی تو نہیں |
معلومات