| میں تو لکھتا ہوں کبھی ،چاہے جو من ہے میرا |
| طفلِ مکتب ہوں یہ آغازِ سُخن ہے میرا |
| گھر کی دیواروں نے گاتے ہوئے سُن رکھا ہے |
| صوت و آہنگ سے اتنا سا لگن ہے میرا |
| میری بیماری میں پھولوں نے عیادت کی ہے |
| یوں تو خوشبو سے بھرا رہتا چمن ہے میرا |
| میرے اسلاف میں گو نام بڑے ہیں لیکن |
| ہر طرف اب، مری پہچان ،چلن ہے میرا |
| وہ تو خود سے بھی زیادہ کرے احساں مجھ پر |
| اتنا سادہ سا ، دیا لوُ وہ ، سجن ہے میرا |
| وہ جو آئے تو خزاؤں میں بہار آ جائے |
| وہ گلاب ایسا رہے ، خندہ دہن ہے میرا |
| میں کسی اور کا سوچوں مجھے فرصت ہی نہیں |
| اس کی باتوں میں یہ دل اتنا مگن ہے میرا |
| ہے جو پرواز ، تخیُّل کی مرے ، اتنی بلند |
| اپنے افلاک سے کچھ دور گگن ہے میرا |
| دلِ بیتاب کی دھڑکن کو سنبھالو طارق |
| ہے وہ مائل بہ کرم ، جلد مِلن ہے میرا |
معلومات