| نازاں ہے دستِ قدرت خِلقِ حبیب پر |
| اور وجد میں ہے گردوں شانِ لبیب پر |
| جب وہم پوچھتا ہے اُن کی مثل بتا |
| کہتا اسے یقیں ہے کوثر ذرا سنا |
| سب سے سوا خلق میں یہ شاہکار ہے |
| قادر کی قدرتیں ہیں پرور دگار ہے |
| بعد از خدا یہ درجہ جس کو عُلیٰ ملا |
| سلطانِ دو سریٰ ہے محبوبِ کبریا |
| قربِ خدائے واحد جن کی عطا سے ہے |
| یہ آن ان کو حاصل اپنے خدا سے ہے |
| یہ فخرِ انبیا جو قصرِ دنیٰ گیا |
| واصل خدا سے ہے وہ سلطانِ دوسریٰ |
| ملجا جہاں میں دکھ کا ان کے کرم سے ہے |
| کل سایہ حشر میں بھی ان کے عَلم سے ہے |
| روشن چراغِ نسبت امت کے طاقِ کا |
| یہ فیض ہے نبی سے ان کے سباق کا |
| محمود جو ہیں دلبر دلدارِ کبریا |
| آقا حبیبِ رب وہ میرے ہیں دلربا |
معلومات