| دوستی نا پی نہیں جاتی ہے پیمانے میں |
| دو سَتی ہوتے ہیں اک دوجے پہ یارانے میں |
| دوستی یوں تو مقدّر سے ملے جس کو ملے |
| زیست کھو دیتے ہیں کچھ لوگ اسے پانے میں |
| بسترِ مرگ پہ ہوں قبر کی تیّاری ہے |
| اور تم کہتے ہو کچھ دیر ہوئی آنے میں |
| تم تو مصروف تھے دن رات نہیں آ پائے |
| بھیج دیتے کوئی پیغام ہی انجانے میں |
| کب ملے تھے تمہیں اب یاد نہ ہو گا شاید |
| تم مجھے دیکھ کے لوٹ آئے تھے مے خانے میں |
| اب تمہیں دیکھ کے احساس ہوا ہے مجھ کو |
| میں نے اپنا کوئی دیکھا کسی بیگانے میں |
| دوستی اس کو نہیں کہتے کہ مل بیٹھیں ہم |
| دوستی چھپ کے رہے دل کے نہاں خانے میں |
| ہم نے اک عمر گزاری ہے تری یادوں میں |
| تُجھ کو اس بار مگر دیر لگی آنے میں |
| کوئی شکوہ یا شکایت تو نہیں ہے تُجھ سے |
| اب کہاں جائیں گے لکھوانے رپٹ تھانے میں |
| ہاں مگر جانے سے پہلے مجھے کندھا دے دو |
| تم کو تسکین ملے گی یہ سزا پانے میں |
معلومات