| چھوڑ کر مجھ کو صنم تو نے بڑا کام کیا |
| میری بے کیف جوانی کو مرے نام کیا |
| مجھ کو لَوٹائے مرے گزرے زمانے کے خیال |
| مرے خوابوں کے دریچوں کو سرِ بام کیا |
| مجھ کو سمجھایا کہ دنیا کی حقیقت کیا ہے |
| بے زر و زر کے تفاوت کو سبک گام کیا |
| وقت کی دھول میں مجبوروں کی وقعت جیسے |
| زندگی جبر رہی قبر میں آرام کیا |
| اپنے ہی باپ کو بیٹی نے کہا سنکی تھے وہ |
| جَون کو اس کے پرستاروں میں بدنام کیا |
| ڈنکے کی چوٹ پہ کرتے ہیں خیانت حاکم |
| اس طرح غیرت و ایمان کو نیلام کیا |
| بڑی خواہش تھی کہ تادیر رہے نام مرا |
| قبر میں دیکھا تو ہر کام ہی بے نام کیا |
| یہ الگ بات ابھی ویسے کا ویسا ہے امید |
| عادتاً ایسا ہوں جو کام کیا خام کیا |
معلومات