| یہ سال ختم ہوا ہے خدا خدا کر کے |
| کریں گے اب تو نئی صُبح ہم دُعا کر کے |
| ہیں دورِ ابتلا آئے بھی اور گئے ہیں بہت |
| گزار ہم نے دئے ہیں سبھی وفا کر کے |
| یہ مانتے ہیں کہ ہم ہی قصور وار رہے |
| اسی کے سامنے جُھکتے ہیں ہم خطا کر کے |
| اسی کے در سے بھری ہے کبھی جو خالی ہوئی |
| کہ ہم نے رکھی ہے جھولی تو اپنی وا کر کے |
| جو اضطراب ہو منظر عجیب ہوتا ہے |
| پکارتے ہیں اسی در پہ سب صدا کر کے |
| کچھ ایسا اس سے تعلّق ہے اُستوار اپنا |
| کوئی دکھائے ہمیں اُس سے اب جُدا کر کے |
| دیا سبق ہے یہی جانے والے لمحوں نے |
| ملا جو وقت کریں شُکر ہم غنا کر کے |
| ہم ایک شب تو گزاریں کچھ اس طرح طارق |
| اسی کو مانگ لیں ہم اس سے التجا کر کے |
معلومات