| میں نے کیا کچھ کیا عداوت میں |
| میں نہ کچھ کر سکا محبت میں |
| وقت رخصت نہ کچھ میں کہہ پایا |
| آنکھیں بس جھک گئیں ندامت میں |
| اک مرا جسم تھا کہ لرزش میں |
| جانے کیا کہہ گیا شکایت میں |
| میں یونہی خالی ہاتھ اٹھ آیا |
| نہ لیا زادِ راہ مروت میں |
| اب نظر کو کوئی نہیں بھاتا |
| وہ مکمل تھا اپنی صورت میں |
| کھوکھلا ہو گیا ہوں اندر سے |
| جیسے سب جل گیا عمارت میں |
| نیا کوئی مشغلہ میں اپناؤں |
| یادیں اب کاٹتی ہیں خلوت میں |
| میری منزل ابھی نہیں آئی |
| پر کمی آ گئی ہے ہمت میں |
| وجہ کوئی تو ہے بچھڑنے کی |
| شاید ایسا لکھا تھا قسمت میں |
| ابھی جلدی ہے مجھ کو جانے کی |
| میں کہانی لکھوں گا فرصت میں |
معلومات