| زندگی ہم نے گزاری ہے انہی لوگوں میں |
| سلسلہ پیار کا جاری ہے انہی لوگوں میں |
| ہیں محبّت میں گرفتار اسی محسن کے |
| کوئی تو بات ہماری ہے انہی لوگوں میں |
| اُس کی سچائی کو قرآن نے جو پیش کیا |
| سب ثبوتوں پہ وہ بھاری ہے انہی لوگوں میں |
| اس کے کردار پہ انگلی یہ اُٹھائیں کیسے |
| اس نے اک عمر گزاری ہے انہی لوگوں میں |
| جب فرشتوں نے کہا ان کو برابر کردیں |
| اب بچا باقی جو ناری ہے انہی لوگوں میں |
| میرے آقا نے تو اس حال میں بھی کی یہ دعا |
| ہر کوئی عقل سے عاری ہے انہی لوگوں میں |
| ماننے والے بھی سچ کو کبھی پیدا ہوں گے |
| ہم کو امّید یہ بھاری ہے انہی لوگوں میں |
| حق اگر جان لیں پھر جان بھی قرباں کر دیں |
| اک یہی بات تو پیاری ہے انہی لوگوں میں |
| سچ کو سچ کہنے سے حالات بدل سکتے ہیں |
| بات یہ دل میں اتاری ہے انہی لوگوں میں |
| طارق اب لوگ ہمیں دیکھ کے کہتے ہیں یہی |
| بات جو سچی ہے ساری ہے انہی لوگوں میں |
معلومات