| آندھیوں کو کیا معلوم |
| آندھیوں کے چلنے سے |
| پیڑ جن کی شاخوں پر |
| گھونسلے پرندوں کے |
| ٹوٹ پھوٹ جاتے ہیں |
| پانیوں کے ریلے بھی |
| بارشیں ہی لاتی ہیں |
| بارشوں کو کیا معلوم |
| بستیاں غریبوں کی |
| ان میں ڈوب جاتی ہیں |
| زلزلے بھی ایسے ہی |
| گھر گرا کے جاتے ہیں |
| زلزلوں کو کیا معلوم |
| گھر نہ ہوں تو لوگوں کے |
| خواب ٹوٹ جاتے ہیں |
| ہرنیوں کو کھا جانا |
| شیر کی جبلت ہے |
| شیر کو کہاں معلوم |
| ہرنیوں کے بچوں کے |
| دل ہی ٹوٹ جاتے ہیں |
| پر پتہ ہے لوگوں کو |
| لفظ کاٹ کھاتے ہیں |
| پیار کے سبھی رشتے |
| ان سے چھوٹ جاتے ہیں |
| باز پر نہیں آتے |
معلومات