| اے مرے پیارے وطن تو تا ابد زندہ رہے |
| جب تلک دنیا ہے تیرا نام تابندہ رہے |
| کچھ ہی کم آدھی صدی مَیں نے گزاری ہے یہاں |
| نسلِ انسانی کی اصلاً آبیاری ہے یہاں |
| مجھ پہ تیرے اتنے احسانات ہیں اے سر زمیں |
| بھُولنا چاہوں بھی تو ہر گز بھُلا سکتا نہیں |
| ہر نفس ہر آدمی ہر شخص کی توقیر ہے |
| جس طرح کی خواب ہے ویسی یہاں تعبیر ہے |
| مَیں نے تیری گود میں جتنے گزارے ماہ و سال |
| بالیقیں سارے کے سارے بے مثال و بے مثال |
| سارا عالم جس وبا کے دام میں جکڑا گیا |
| یعنی کورونا کے جبرو قہر میں پکڑا گیا |
| میرا نیدرلینڈ بھی ہے اس مصیبت کا شکار |
| دیکھ لینا دنیا والو آخرش اس کا مزار |
| اپنے عزم و حوصلہ سے جیت جائیں گے یہ جنگ |
| ڈُوب کر اس بحر میں نکلیں گے بے توپ و تفنگ |
| جیتنی ہے جنگ ہر قیمت پہ اب اے دوستو |
| ورنہ ساری جستجو ہے بے سبب اے دوستو |
| نام ہے امید مَیں رہتا ہوں فی نن ڈال میں |
| ڈیڑھ میٹر فاصلہ رکھتا ہوں اپنی چال میں |
معلومات