نہ عزت نہ دولت نہ زر مانگتا ہوں |
کرم تیرا شاہا مگر مانگتا ہوں |
اٹھے ہاتھ جب بھی لئے جھولی خالی |
سخی جی عطا کی نظر مانگتا ہوں |
کھلے آنکھ دیکھوں نظارہ ضحیٰ کا |
اے مولا دعا میں اثر مانگتا ہوں |
سوا ہے جو جنت سے کوچہ ہے ان کا |
نبی کی گلی میں ہی گھر مانگتا ہوں |
ہے ذوقِ لقا سے یہ تر آنکھ میری |
مدینے کے آقا سفر مانگتا ہوں |
رکھے یادِ دلبر سدا مست مجھ کو |
زباں پر نبی کا ذکر مانگتا ہوں |
عطا روضے کا ہو نظارہ الٰہی |
وہ الطاف بارِ دگر مانگتا ہوںم |
مجھے کر دیں راضی خدا کی رضا پر |
کرم تیرا خیر البشر مانگتا ہوں |
یہ محمود بھی ہے خطا کار آقا |
میں اس کے لئے بھی نظر مانگتا ہوں |
معلومات