| رات تاریک ہے تو شمع جلائے رکھنا |
| قافلے والو ذرا ربط بنائے رکھنا |
| جانتا ہوں کہ مرے آنے میں تاخیر ہوئی |
| اتنی سی بات پہ بس مُوڈ بنائے رکھنا |
| غمزہ و مژگاں کے افسوں سے ذرا پہلو تہی |
| ان پری زادوں سے دامن کو بچائے رکھنا |
| معذرت خواہی بھی گو قابلِ تحسین سہی |
| یہ بھی کیا جھُوٹ کے انبار لگائے رکھنا |
| جب تلک دل میں رہا راز ترے پاس رہا |
| تم بھی جذبات کو یوں دل میں چھپائے رکھنا |
| اور بھی دکھ ہیں زمانے میں محبّت کے سوا |
| مری فطرت میں نہیں ناز اٹھائے رکھنا |
| رات کی گود میں معصوم جوانی پہ ستم |
| والئی شہر کوئی فرض نبھائے رکھنا |
| روشنی پہنچی نہیں درد کی کُٹیا میں امید |
| پر مرا فرض ہے احساس جگائے رکھنا |
معلومات