| حسن کو لا جواب ہونا تھا |
| کِھل کے اس کو گلاب ہونا تھا |
| آج گہنا گئے سبھی سورج |
| آج اسے بے نقاب ہونا تھا |
| وہ گرا کر گزر گیا مجھ سے |
| دوست کو کامیاب ہونا تھا |
| کتنے ٹکڑوں میں بٹ گیا ہوں میں |
| سب کو ہی دستیاب ہونا تھا |
| خود کو میں نے جلا کے راکھ کیا |
| ایک بار آفتاب ہونا تھا |
| خون کے گھونٹ روز پیتا ہوں |
| خونِ دل کو شراب ہونا تھا |
| قطرے قطرے سے بن گیا دریا |
| بارشوں کو سیلاب ہونا تھا |
| "شیخ صاحب چلے ہیں میخانہ" |
| اب گناہ کو ثواب ہونا تھا |
| توڑ کر جام ہو گیا زاہد |
| مجھ کو کتنا خراب ہونا تھا |
| حالِ دل آج کہہ دیا شاہدؔ |
| مجھ کو آج انقلاب ہونا تھا |
معلومات