عجب میری محبت ہے |
وہ جب منہ پھیر لیتی ہے |
میں روتا ہوں میں گاتا ہوں |
میں اس کے سامنے جا کر |
ذرا سا ڈگمگاتا ہوں |
توجہ اس کی پھر پا کر |
میں تھوڑا مسکراتا ہوں |
وہ جب ناراضگی اپنی |
بھلا کر لوٹ آتی ہے |
اسے پھر سے ستاتا ہوں |
بہانہ کوئی پھر کر کے |
میں اس سے روٹھ جاتا ہوں |
میں یہ امید کرتا ہوں |
وہ اک دن لوٹ آئے گی |
مگر وہ مختلف سی ہے |
وہ ںظر انداز کرتی ہے |
وہ کچھ ظاہر نہیں کرتی |
ترستا ہوں کبھی کہہ دے |
اسے مجھ سے محبت ہے |
وہ مجھ بن رہ نہیں سکتی |
کبھی وہ یہ نہیں کہتی |
مگر میں مختلف اس سے |
میں اس بن رہ نہیں سکتا |
جدائی سہہ نہیں سکتا |
میں اس کے اس رویے سے |
ہمیشہ چوٹ کھاتا ہوں |
پلٹ کر اس کی چوکھٹ پر |
میں واپس لوٹ جاتا ہوں |
وہ سب کچھ بھول جاتی ہے |
پلٹ کر میری بانہوں میں |
وہ واپس لوٹ آتی ہے |
میں پھر سب بھول جاتا ہوں |
محبت کا وہی چکر |
دوبارہ سے چلاتا ہوں |
نجانے کیوں چلاتا ہوں |
سمجھنے سے یہ قاصر ہوں |
عجب میری محبت ہے |
معلومات