| چند دن کی بس آشنائی تھی |
| پھر مسلسل شبِ جدائی تھی |
| میں نے سب کچھ لٹا دیا اس پر |
| جتنی بھی میری سب کمائی تھی |
| میں نے جاں پیش کی ہتھیلی پر |
| بدلے میں اس کی بے وفائی تھی |
| میں سمجھتا تھا پیار ہے شاید |
| اسکی رسمی سی خوش ادائی تھی |
| پڑھ کے لکھ کے نہ کچھ ہوا حاصل |
| عمر بھر کی یونہی گدائی تھی |
| شیخ صاحب چلے ہیں میخانے |
| کتنے برسوں کی پارسائی تھی |
| وہ حقیقت سمجھ رہے جس کو |
| وہ کہانی سنی سنائی تھی |
| سانس لینا ہوا بہت مشکل |
| میرے دل پر گرہ کشائی تھی |
| منزلیں دور ہی رہیں شاہد |
| آڑے آئی شکستہ پائی تھی |
معلومات