آسماں سے پیام آیا ہے |
کوئی بن کر امام آیا ہے |
اس پہ بھیجو درود وہ بن کر |
جس کا قائم مقام آیا ہے |
برف پر چل کے جا کے اس کو دو |
وہ جو اس کو سلام آیا ہے |
لے کے مہدی ہی اس زمانے میں |
ابنِ مریم کا نام آیا ہے |
پہنچی آواز اس کی دنیا میں |
مائدہ صبح و شام آیا ہے |
اس کے حق میں دلیل دیتا ہے |
جو خدا کا کلام آیا ہے |
چاند سورج نے خود بھی گہنا کر |
دی خبر وہ امام آیا ہے |
اس کی تائید میں زمیں پہ عذاب |
بن کے طاعون عام آیا ہے |
جس نے دیکھا ہے غور سے اس کو |
حسن کے زیرِ دام آیا ہے |
جو مقابل پہ تھے مخالف سب |
علم ان کا نہ کام آیا ہے |
ضد کو چھوڑو بجھاؤ پیاس اپنی |
حوضِ کوثر کا جام آیا ہے |
پھر نہ کہنا ہمیں خبر نہ ہوئی |
شش جہت سے پیام آیا ہے |
طارق آنے کی عام دعوت ہے |
چل کے دارالسلام آیا ہے |
معلومات