کھلے بندوں عبادت ہو رہی ہے |
زمیں پر کیوں بغاوت ہو رہی ہے |
عدالت میں سماعت ہو رہی ہے |
بڑی مشکل وضاحت ہو رہی ہے |
سکھائی جس نے مجھ کو ہے محبّت |
فقط اس کی اطاعت ہو رہی ہے |
قصور اس میں کسی کا بھی نہیں ہے |
مرے اندر قیامت ہو رہی ہے |
نکل آیا ہے سورج صبحِ نو کا |
زمیں پر اب حرارت ہو رہی ہے |
جو منہاجِ نبوّت پر ہے قائم |
جہاں میں اب خلافت ہو رہی ہے |
نصیب اپنا نہیں سب کا ہے جاگا |
مبارک اب تو ساعت ہو رہی ہے |
بچائے گا نظامِ نو یہ دنیا |
اسی کی اب اشاعت ہو رہی ہے |
لباس اپنے پرانے پھینک ڈالو |
کہ تقویٰ کی ہدایت ہو رہی ہے |
سِمٹتا جا رہا ہوں اپنے اندر |
مجھے باہر ندامت ہو رہی ہے |
مریضِ عشق نے پایا مسیحا |
کہ دور اب تو نقاہت ہو رہی ہے |
عیادت کو مری آئے ہیں طارق |
تو لہجے میں حلاوت ہو رہی ہے |
معلومات