| عمر بھر جھکتی رہی جس پہ جبیں میری ہے |
| آسماں اس کو یہ کہتا ہے زمیں میری ہے |
| عشق سورج تو کرے گرمئِ جذبات کے ساتھ |
| چاند کا دعویٰ ہے صورت تو حسیں میری ہے |
| یوں تو آدم بھی کہے بھیجا گیا مجھ کو یہاں |
| اس کو شیطان یہ کہتا ہے نہیں میری ہے |
| کام شیطان کا آساں کیا ان تینوں نے |
| سب کا دعویٰ ہے کہ زر، زن یا زمیں میری ہے |
| ہم تو اخلاص سے ملنے چلے جاتے ہیں انہیں |
| وہ سمجھتے ہیں کہ ترکیب کہیں میری ہے |
| تختۂ دار پہ لٹکیں یا فضاؤں میں جلیں |
| ہے یہی قولِ خدا ، کیدِ متیں میری ہے |
| جان دے کر بھی حفاظت میں کروں گا اس کی |
| یہ امانت ہے زمیں اور ا میں میری ہے |
| تم کہو کھُل کے جو دل چاہے تمہارا طارق |
| لوگ تو کہتے ہی رہتے ہیں ، زمیں میری ہے |
معلومات