| پونچھے ہے قتل کر کے میری قبا سے ہاتھ |
| کہہ کر سجائے دیکھو میں نے حنا سے ہاتھ |
| ہاتھوں میں ہاتھ ڈالے چلنا تھا ساتھ ساتھ |
| اب مجھ سے وہ چھڑائے کِس کِس ادا سے ہاتھ |
| مجبور کر رہی ہے یہ گردشِ زماں |
| یا اُس نے ہے ملایا فرمانروا سے ہاتھ |
| حیرت ہوئی ہے مجھ کو یہ دیکھ کر کبھی |
| کس نے پکڑ لیا ہے کس کا ریا سے ہاتھ |
| ہم نے وفا کا وعدہ کیا ہے نبھائیں گے |
| روکا نہیں کسی نے گرچہ جفا سے ہاتھ |
| ہم تھے مریضِ عشق دوا کیسے مانگتے |
| کھینچا نہیں ہے لیکن اپنا دعا سے ہاتھ |
| طوفان میں بھی جب ہے تھامے عَلَم رکھا |
| کانپیں گے پھر ہمارے کیسے ہوا سے ہاتھ |
| حیرت سے دیکھتے ہو قربانیاں تمام |
| تم بھی ملا کے دیکھو اہلِ وفا سے ہاتھ |
| موسٰی نے معجزہ جو طارق دکھا دیا |
| چھوٹا نہیں ہے اب تک اپنا عصا سے ہاتھ |
معلومات