| حیا ، حجاب ، تبسّم ، سکون چہرے پر |
| خدا نے کیسا سجایا ، *فسون چہرے پر |
| زباں سے جاری معارف ، بیاں حقائق کا |
| کبھی نہ دیکھا کسی نے جنون چہرے پر |
| کسی کو کم ہی علامت کوئی نظر آئی |
| کہ پڑھ سکے وہ جو گزری *درون ، چہرے پر |
| جو ذکر غیرتِ توحید کا کبھی آیا |
| تو دیکھا جوش میں جھلکا ہے خون چہرے پر |
| کسی نے دیکھ کے بے ساختہ کہا مجھ سے |
| پڑی نظر تو ہے اچھا شگون ، چہرے پر |
| جہاں میں ہر طرف دوڑائی ہے نظر لیکن |
| کہاں دکھائی دیں علم و فنون ، چہرے پر |
| چھپائیں کیسے جو ظاہر ہوئے ہیں جھوٹ ان کے |
| کہ حال اس کا عیاں ہے زبون، چہرے پر |
| عجیب دور ہے مسجد میں دیکھا اک لڑکا |
| کہ سو رہا تھا وہ کل رکھ کے فون چہرے پر |
| گیا وطن جو مرا دوست گھومنے پھرنے |
| لکھا کے آیا دسمبر میں جون ، چہرے پر |
| وہ نور آئے نظر صاف دل کو ہی طارق |
| کہ دل کا آئنہ ہوں گی *عیون ، چہرے پر |
معلومات